Stjarnan 2 – 3 ÍBV:
0-1 Omar Sowe
0-2 Bjarki Björn Gunnarsson
1-2 Sindri Þór Ingimarsson
1-3 Oliver Heiðarsson
2-3 Sindri Þór Ingimarsson
Stjarnan tapaði óvænt á heimavelli gegn nýliðum ÍBV í Bestu deild karla í kvöld. Eyjamenn voru öflugir og áttu sigurinn skilið.
Omar Sowe kom Eyjamönnum yfir í fyrri hálfleik áður en Bjarki Björn Gunnarsson kom gestunum í 0-2 með frábæru marki.
Stjarnan lagaði stöðuna í fyrri hálfleik með marki frá Sindra Ingimarssyni en markvörður ÍBV gerði sig sekan um hræðileg mistök.
Oliver Heiðarsson kom svo ÍBV í 1-3 með marki í síðari hálfleik. Sindri Þór skoraði aftur í uppbótartíma fyrir Stjörnuna en það dugði ekki til og 2-3 sigur ÍBV staðreynd. Eyjamenn komnir með sjö stig í deildinni eftir fjórar umferðir en Stjarnan er með sex stig.
Þorlákur Árnason tók við þjálfun ÍBV í vetur en nýliðarnir með Sowe og Oliver Heiðarsson í fremstu víglínu eru til alls líklegir.
