Áhrifavaldurin Ashlyn Castro virðist búin að geirnegla knattspyrnustjörnuna Jude Bellingham niður, miðað við virkni hans á samfélagsmiðlum.
Castro og Bellingham eru nýtt stjörnupar og hafa verið saman undanfarnar vikur. Það er greinilega mikil alvara í sambandinu því slúðurblöðin erlendis segja hann vera hættan að fylgja Laura Celia Valk, sem hann á að hafa verið að hitta síðasta sumar.
Ekki nóg með það heldur hefur Bellingham einnig eytt stefnumótaappinu Raya, sem er gert fyrir ríka og fræga fólkið.
Samband Castro og Bellingham var mikið í fréttum fyrr í vetur en fóru sögur af stað sögur um að Castro hefði áður verið í sambandi með fjölda karlmanna í heimi ríka og fræga fólksins. Var hún einnig ranglega sökuð um að hafa átt aðgang á fullorðinssíðu, svo dæmi séu nefnd.
Castro opnaði sig um málið í febrúar.
„Þetta hefur verið eins slæmt og þið getið ímyndað ykkur. Fólk hefur ráðist á mig, áreitt mig og sýnt mikla vanvirðingu. Þetta hefur verið allt of mikið. Við getum talað um sambönd mín. Ég hef átt þrjá kærasta á átta árum. Mitt fyrsta samband var árið 2017 með þekktum manni og því var fjallað um það og hlutir búnir til.“
