Oliver Holt, blaðamaður á Daily Mail, hefur verið að vinna í skemmtilegri seríu á vefnum undanfarið, þar sem hann heimsækir hvern og einn einasta af þeim 92 leikvöngum í ensku deildarkeppninni (efstu fjórum deildunum).
Hér að neðan má sjá þá sem eru í fimm neðstu sætunum, verstu leikvangar ensku deildarkeppninnar að mati Holt.
5. Hillsborough, Sheffield Wednesday
Hörmulegir atburðir á vellinum árið 1989 kasta skugga á leikvanginn. Að einhverju leyti hefði átt að rífa hann og félagið að flytja. Mér mun aldrei líða eins varðandi þennan völl.
4. London Stadium, West Ham
Til marks um það sem er að enska boltanum í dag. Eigendurnir hefðu aldrei átt að flytja frá Upton Park.
3. Kassam Stadium, Oxford United
Besta upplifun mín á þessum velli var að fá bóluefni gegn Covid.
2. Stadium MK, MK Dons
Leikvangurinn er eins og félagið, sálarlaust og andlitslaust.
1 . The Den, Millwall
Mér fannst ég ekki öruggur á vellinum og líkar ekki við stuðningsmenn.
