Hinn 17 ára gamli Ethan Nwaneri á heima í enska landsliðshópnum þrátt fyrir að vera að stíga sín fyrstu skref í meistaraflokki.

Þetta segir fyrrum markavélin og goðsögnin Wayne Rooney sem er virkilega hrifinn af vængmanninum sem spilar með Arsenal.

Nwaneri hefur komið sterkur inn í lið Arsenal á þessu tímabili og er aldrei að vita hvort hann fái kallið frá Thomas Tuchel á næstu dögum.

,,Að mínu mati þá er hann klárlega tilbúinn fyrir A landsliðið,“ sagði Rooney við Amazon Prime.

,,Síðustu ár þá höfum við séð leikmenn fá tækifæri með landsliðinu sem eiga það ekki skilið, það er mín skoðun.“

,,Nwaneri hefur sýnt það að hann er með rétt hugarfar til þess að vera í hópnum og ef hann heldur áfram sama striki þá er tækifærið þarna fyrir hann.“