Manchester United þarf að taka hressilega til í bókhaldinu hjá sér í sumar til að reyna að gefa Ruben Amorim tækifæri til þess að fá inn nýja leikmenn.
Manchester Evening News fjallar um málið en búist er við að allt að tíu leikmenn yfirgefi félagið í sumar.
Búist er við að Tom Heaton og Jonny Evans leggi skóna á hilluna, Victor Lindelöf og Christian Eriksen fara svo frítt frá félaginu.
United mun svo selja Jadon Sancho til Chelsea fyrir 25 milljónir punda.
Einnig er fastlega gert ráð fyrir því að United muni selja Marcus Rashford á 40 milljónir punda, salan á honum yrði til þess að Alejandro Garnacho og Kobbie Mainoo yrðu áfram.
United vill losna við Casemiro en þarf að fá 15 milljónir punda fyrir hann svo ekki komi mínus í bókhaldið, Tyrrel Malacia má fara fryrir 3,25 milljónir punda.
Antony hefur gert vel á Spáni en United þarf að fá yfir 32 milljónir punda fyrir hann svo ekki verði vesen í bókhaldinu.
