Chris Rigg, 17 ára gamall miðjumaður Sunderland í ensku B-deildinni, er orðaður við Manchester United í ensku miðlum.
Rigg hefur spilað nokkuð stóra rullu fyrir Sunderland á leiktíðinni, en það er útlit fyrir að liðið sé á leið í umspil um sæti í ensku úrvalsdeildinni.
Þá skoraði Rigg í sigri enska U-19 ára landsliðsins gegn Portúgal á dögunum og var það ekki til að minnka áhugann á honum.
Hann hefur undanfarna daga verið orðaður við Everton og West Ham til að mynda, en nú er sagt að United sé einnig á eftir þessum efnilega leikmanni.
