KR stefnir að því að spila sinn fyrsta eiginlega heimaleik, þ. e. á sínum heimavelli í Vesturbænum, í Bestu deild karla 10. maí, en það er þriðji heimaleikur KR í sumar.

KR vinn­ur um þess­ar mund­ir að því að skipta um und­ir­lag á Meist­ara­völl­um þar sem gervi­gras verður lagt í stað grass­ins sem áður var. KR mun leika fyrstu tvo heima­leiki sína í Bestu deild­inni á velli Þróttar í Laugardal.

Magnús Orri Schram, formaður knatt­spyrnu­deild­ar KR, segir í samtali við mbl.is að framkvæmdir gangi vel og það sé stefnt að því að þriðji heimaleikurinn fari fram vestur í bæ.

„Þessu miðar mjög vel. Við erum mjög ánægð með gang mála núna. Tíðin er góð þannig að þetta lít­ur bara vel út. Það er mik­il til­hlökk­un inn­an fé­lags­ins að fara að spila á end­ur­bætt­um velli. Það hlakka all­ir mikið til að fá betri aðstöðu fyr­ir alla okk­ar flokka. Það er mik­il til­hlökk­un fyr­ir því að fara að spila vest­ur í bæ en það verður ekki fyrr en 10. maí,“ segir nýi formaðurinn.