Arnar Gunnlaugsson, landsliðsþjálfari Íslands, gerir þónokkrar breytingar á byrjunarliði liðsins gegn Kósovó í kvöld.
Leikið er á Murcia á Spáni en fyrri leiknum í Þjóðadeildinni lauk með 2-1 sigri Kósovó og má segja að sá sigur hafi verið verðskuldaður.
Það er spænskur dómari sem ber nafnoð Gil Manzano sem dæmir leikinn en flautað er til leiks klukkan 17:00.
Um er að ræða mikilvægt umspil í Þjóðadeildinni en Ísland stefnir að sjálfsögðu að því að komast á sem flest stórmót á næstu árum.
Hákon Arnar Haraldsson er að glíma við meiðsli og spilar ekki í leiknum í kvöld.
Byrjunarlið Íslands má sjá hér en Jón Dagur Þorsteinsson, Þórir Jóhann Helgason, Willum Þór Willumsson, Valgeir Lunddal Friðriksson og Arnór Ingvi Traustason fá allir að byrja.
Byrjunarlið Íslands:
Hákon Rafn Valdimarsson
Sverrir Ingi Ingason
Stefán Teitur Þórðarson
Valgeir Lunddal Friðriksson
Þórir Jóhann Helgason
Willum Þór Willumsson
Ísak Bergmann Jóhannesson
Arnór Ingvi Traustason
Albert Guðmundsson
Jón Dagur Þorsteinsson
Orri Steinn Óskarsson
