Nokkur ensk félög hafa áhuga á Moise Kean, leikmanni Fiorentina, samkvæmt fréttum frá Ítalíu.
Kean, sem er 25 ára gamall, er að eiga frábært tímabil með Alberti Guðmundssyni og félögum í Fiorentina. Er hann kominn með 20 mörk í 34 leikjum í öllum keppnum.
Hann hefur verið orðaður við Arsenal, sem sárvantar framherja. Nú kemur hins vegar fram að West Ham og Newcastle vilji líka fá kappann.
Kean spilaði í ensku úrvalsdeildinni með Everton 2019-2020 en tókst ekki að heilla þar. Hefur hann einnig leikið fyrir lið á á borð við Juventus og Paris Saint-Germain.
