Eins og greint hefur verið frá í þónokkra mánuði þá verður Joshua Kimmich samningslaus í sumar.

Um er að ræða þrítugan fjölhæfan leikmann sem hefur undanfarin tíu ár leikið með liði Bayern Munchen.

Óvíst er hvort Kimmich framlengi samning sinn hjá Bayern eftir að hafa spilað tæplega 300 deildarleiki.

Samkvæmt nýjustu fregnum eru tvö ensk lið sem ætla að berjast um þjónustu Kimmich á næstu vikum en það eru Liverpool og Arsenal.

Kimmich getur spilað sem bakvörður og miðjumaður og þrátt fyrir að vera þrítugur hefur hann leikið 97 landsleiki fyrir Þýskaland.

Ljóst er að þessi öflugi leikmaður myndi styrkja bæði lið verulega en Bayern mun reyna allt til þess að framlengja samning hans fyrir sumargluggann.