Giggs var ekki búinn að vera lengi í aðalliði United þegar Lee Sharp bauð honum í partí. Sjálfur Sir Alex Ferguson, stjóri United, mætti hins vegar á svæðið um kvöldið, batt enda á gleðskapinn og dró ungan Giggs heim.
Giggs var enn á meðal yngstu leikmanna liðsins þegar það var logið að honum að allir leikmenn fengju bíl eftir 25 spilaða leiki. Hann spurði Ferguson út í þetta eftir 25 leiki. Hneykslaður stjórinn sagð honum að hann ætti í mesta lagi möguleika á því að fá hjól.
Það var allt í blóma hjá Giggs 2009. United hafði unnið ensku úrvalsdeildina þrjú ár í röð og Meistaradeildina árið áður. Giggs var einnig valinn íþróttamanneskja ársins. Þá fór hins vegar allt niður á við.
Fréttir um framhjáhald hans með raunveruleikastjörnunni Imogen Thomas fóru á flug. Það var þó alls ekki það versta. Hann hafði haldið framhjá með annarri konu, eiginkonu bróður síns.
Hún viðurkennir að hafa sofið hjá Giggs í átta ár og að hann hafi gert hana ólétta skömmu fyrir brúðkaup hennar með bróður Giggs, Rhodri.
Rhodri hefur síðan nýtt hvert tækifæri til að hefna sín. Hann lék til dæmis í auglýsingu Paddy Power sem bar heitið: Tryggðin er dauð. Það var augljóst hver merkingin var á bak við hana.
Þrátt fyrir öll hneykslin var Giggs gerður að landsliðsþjálfara Wales árið 2018. Frænka hans varaði sambandið við vegna framhjáhalda leikmannsins.
Giggs var svo settur til hliðar um tíma þar sem honum var gert að sök að ráðast á sambýliskonu sína.
Hér að neðan má sjá auglýsinguna frægu sem Rhodri Giggs lék í.
