Mark Ogden blaðamaður ESPN segir komu Cristiano Ronaldo til Manchester United sumarið 2021 hafa orðið til þess að Marcus Rashford missti taktinn.

Ogden telur að koma Ronaldo hafi orðið til þess að hlutverk Rashford varð minna og hann átti í meiri vandræðum.

Þessi vandræði hafa svo haldið áfram og Rashford var sparkað út hjá United í janúar og hann lánaður til RAston Villa.

„Rashford var á góðri leið með að verða besti leikmaður United, Ole Gunnar Solskjær lét hann vita við komu Ronaldo að hann yrði að láta það ganga þannig,“ sagði Ogden.

„Solskjær var að gera góða hluti, Cavani átti gott fyrsta ár og Rashford var að bæta sig. Ronaldo mætti inn og varð að spila sem fremsti maður.“

„Rashford var settur í aðra stöðu og Cavani missti áhugann, Ronaldo stóð sig vel en liðinu gekk ekki vill. Ég elska Ronaldo en koma hans varð til þess að allt sviðsljósið fór á hann.“

„Sú ákvörðun að semja við hann hafði ekkert með fótbolta að gera, þetta var slæm hugmynd fyrir framgang liðsins. Koma Ronaldo ýtti Rashford af sporinu, hann hefur ekki orðið sami leikmaður eftir þetta.“

„Þetta eru bara afleiðingar af kaupum United á Ronaldo.“