Steven Gerrard og sádiarabíska félagið Al-Ettifaq ákváðu í síðustu viku að slíta samstarfi sínu. Það er þegar farið að orða Liverpool goðsögnina við önnur störf.

Gerrard tók við Al-Ettifaq sumarið 2023 og fékk til að mynda til sín Jordan Henderson og Gini Wijnaldum. Árangur var þó ekki eftir væntingum í tíð Gerrard í Sádí.

Áður en Gerrard tók við Al-Ettifaq stýrði hann Rangers og Aston Villa. Þó illa hafi gengið á Englandi vann kappinn skoska meistaratitilinn með Rangers vorið 2021.

Rangers myndi taka Gerrard opnum örmum í framtíðinni samkvæmt Ally McCoist, goðsögn félagsins sem bæði lék með og stýrði því.

„Ég sé Rangers ekki skipta um stjóra á allra næstunni en eftir árangur Gerrard þar, að vinna deildina, væri möguleiki að hann kæmi aftur. Það er hlýtt hugsað til hans hjá Rangers því hann vann mikilvægan titil með félaginu,“ segir McCoist, sem í dag starfar sem sparkspekingur.

Eins og aftur áður situr Rangers í öðru sæti skosku úrvalsdeildarinnar sem stendur, 10 stigum á eftir Celtic. Belginn Philippe Clement er stjóri liðsins.

Gerrard var í gær einnig óvænt orðaður við Carlisle í ensku D-deildinni.