Arnar Gunnlaugsson mun í næsta mánuði velja sinn fyrsta landsliðshóp fyrir verkefni gegn Kósóvó í umspili Þjóðadeildarinnar. Með sigri heldur Íslands sér í B-deildinni en með tapi fellur liðið niður í C-deild.

Ljóst er að Arnar hefur undanfarin ár yfirleitt spilað með einn framherja en undir það síðasta var Age Hareide farin að spila með tvo framherja.

Líklegt verður að teljast að Arnar muni spila með Orra Stein Óskarsson sem fremsta mann og Albert Guðmundsson fyrir aftan hann.

Hákon Arnar Haraldsson spilar yfirleitt miðsvæðis en ekki er ólíklegt að Arnar muni skoða hann sem kantmann og að hann hafi þá nokkuð frjálst hlutverk.

Arnar gæti gert nokkrar breytingar frá því sem Hareide gerði og gætu Ísak Bergmann Jóhannesson og Mikael Egill Ellertsson fengið stærra hlutverk en báðir eru að spila vel með félagsliði sínu.

Arnar hefur talað um að nýta reynslu eldri manna og gæti horft í það í hjarta varnarinnar og á miðsvæðinu.

Svona gæti byrjunarlið Arnars litið út í næsta mánuði en Gylfi Þór Sigurðsson gæti einnig verið í huga Arnars um að vera í byrjunarliðinu.

Mögulegt byrjunarlið Arnars í næsta mánuði:
Hákon Rafn Valdimarsson

Guðlaugur Victor Pálsson
Aron Einar Gunnarsson
Sverrir Ingi Ingason
Logi Tómasson

Jóhann Berg Guðmundsson
Ísak Bergmann Jóhannesson

Hákon Arnar Haraldsson
Albert Guðmundsson
Mikael Egill Ellertsson

Orri Steinn Óskarsson