Cristiano Ronaldo framherji Al-Nassr og Portúgals er ekkert að skafa af því í nýju viðtali, hann segist hafa haft marga ömurlega þjálfara á ferlinum og að hann sé klárlega besti leikmaður sögunnar.
Ronaldo er að fagna stórafmæli á morgun þar en margir telja að hann sé að ræða um Erik ten Hag fyrrum stjóra Manchester United þegar hann byrjar viðtalið.
„Ég hef lært af öllum en ég hef líka haft alveg ömurlega þjálfara,“ sagði Ronaldo.
„Ég hef verið með þjálfara sem hafa ekki hugmynd um fótbolta.“
Ronaldo ræddi einnig um Lionel Messi en þeir eru hafa eldað grátt silfur saman í mörg ár þegar verið hefur rætt um bestu knattspyrnumenn í heimi.
„Ég á gott samband við Leo Messi, ég var að hjálpa honum að skilja hvað væri sagt á ensku þegar við vorum á verðlaunahátíð,“ sagði Ronaldo.
„Það var fyndið, við vorum í heilbrigðri samkeppni og við náum vel saman.“
Ronaldo er á því að hann sé besti knattspyrnumaður sögunnar en Ronaldo fagnar 40 ára afmæli sínu á morgun.
„Ég er besti leikmaður sögunnar, það er mín skoðun,“ sagði Ronaldo.
„Ég er snöggur og sterkur, ég skora með skalla, ég skora með vinstri. Það hefur aldrei verið til fullkomnari leikmaður en ég.“
„Þú gætir sagt Pele, Messi eða Maradona og ég ber virðingu fyrir því.“
„Hvort ég skori 920 eða 925 mörk á ferlinum, það skiptir engu máli. Ég er besti leikmaður sögunnar.“
„Ef ég skora þúsund mörk er það frábært, tölurnar segja alla söguna.“
