Eddie Howe, stjóri Newcastle, segir ekki koma til greina að selja bakvörðinn Tino Livramento í sumar.

Livramento var í vikunni orðaður við Englandsmeistara Manchester City, sem eru sagðir í leit að manni til að leysa Kyle Walker af til frambúðar.

„Það verður að segjast að það er pirrandi að það sé endalaust verið að orða leikmenn okkar við brottför,“ sagði Howe í dag um orðrómana um Livramento.

„Við viljum fara í akkúrat hina áttina, styrkja hópinn. Við viljum verða sterkara lið og leikmannahópur frekar en að missa okkar bestu menn.“

Newcastle er í sjötta sæti ensku úrvalsdeildarinnar og er í hörkubaráttu um sæti í Meistaradeild Evrópu. Eins og Howe segir hafa fleiri stjörnur verið orðaðar við brottför frá liðinu, einna helst framherjinn sjóðheiti Alexander Isak.