Asmir Begovic, markvörður Everton, snýr aftur til Íslands í sumar og verður með markmannsnamskeið fyrir stráka og stelpur hjá Fram í Úlfarsárdalnum.

Begovic, sem hefur spilað fyrir lið eins og AC milan og Chelsea á ferlinum, kemur hingað til lands ásamt góðu teymi í sumar.

Af heimasíðu Fram
Knattspyrnufélagið Fram býður Asmir Begovic, David Smalley og Jack Hadley – þjálfara Asmir Begovic goalkeeping academy – hjartanlega velkomna aftur á Lambhagavöll FRAM í Úlfarsárdal 31.maí til 1. júní.

Þetta er annað árið í röð sem Fram og Asmir Begovic goalkeeping academy halda markmannsnámskeið fyrir stráka og stelpur í Úlfarsárdalnum, en námskeiðið í fyrra var með eindæmum vel heppnað þar sem mikill fjöldi efnilegra markmanna víðsvegar af landinu æfði undir handleiðslu frábærra þjálfara.

Verð á námskeiðið er 29.500 kr og innifalið er heitur matur í hádeginu og hressing.

Skráning á námskeiðið er á Abler: https://www.abler.io/shop/fram/fotbolti/product/Q2x1YlNlcnZpY2U6MzgyMzU=

Þjálfarar í ár verða Asmir Begovic, David Smalley og Jack Hadley, ásamt íslenskum þjálfurum.

Asmir Begovic þarf vart að kynna en hann er í dag á mála hjá Everton í ensku úrvalsdeildinni. Áður hefur hann spilað með stórliðum á borð við Chelsea, AC Milan, Stoke City og Portsmouth.

David Smalley er núverandi markmannsþjálfari Aldershot Town. Hann er með UEFA A markmannsþjálfaragráðu og spilaði áður sem atvinnumaður hjá Reading og Yeovil Town. Smalley hefur  gegnt sambærilegri stöðu hjá Hampton og Richmond Borough, ásamt því að hafa þjálfað hjá kvennaliði og akademíu Chelsea. Hann er aðalmarkmannsþjálfari í Markmannsakademíu Asmir Begovic.

Jack Hadley er yfirmarkmannsþjálfari í akademíu QPR á Englandi. Hann hefur áður gegnt sambærilegri stöðu hjá Charlton og var í mörg ár þjálfari í unglingastarfi Chelsea.

Nánari upplýsingar er hægt að nálgast hjá steinar@fram.