Ashlyn Castro unnusta Jude Bellingham leikmanns Real Madrid þarf að venjast sviðsljósinu nokkuð hratt þrátt fyrir að hafa verið þekkt fyrir.

Eftir að samband hennar við Bellingham fór í sviðsljósið eru erlendir fréttamiðlar mikið að fjalla um hana.

Þetta hefur orðið til þess að netverjar eru farnir að herja á hana og í gær fór allt á suðupunkt.

Einn aðili ákvað að falsa það að Castro hefði starfað sem vændiskona. „Allar þessar myndir eru teknar af mér og eru á Instagram, þetta eru ekki myndir sem enginn hefur séð,“ segir ljósmyndarinn sem tók myndirnar og eru notaðir á auglýsinguna um að Castro starfi sem vændiskona.

Netverjar herja einnig á það að Castro hafi átt marga kærasta á síðustu árum.

Áður en Castro, sem er 21 árs gömul, byrjaði með Bellingham var hún með körfuboltamanninum Terance Mann hjá LA Clippers. Kjaftasögur hafa verið á kreiki um að hún hafi farið að hitta Bellingham áður en sambandi þeirra lauk. Nú hefur Mann sjálfur hins vegar brugðist við því.

„Ég veit ekki af hverju allir eru á baki Ashlyn. Hún er flott og samband okkar gott. Við höfum ekki verið saman lengi og hún er að gera sitt. Leyfið henni það. 90 prósent af því sem ég sé um hana á netinu er rangt. Þetta er klikkað,“ sagði hann.

Hún er einnig sögð hafa verið með Michael B Jordan sem er leikari og LaMelo Ball sem einnig spilar í NBA deildinni líkt og Mann.

Þá á hún að hafa verið í sambandi með Lewis Hamilton sem var í Formúlu 1 og Jamie Foxx sem er þekktur leikari í Bandaríkjunum.