Vincent Kompany þjálfari FC Bayern í þýsku úrvalsdeildinni sat stjarfur yfir íslenska Eurovison um helgina og vekur það nokkra athygli.

433.is fékk senda mynd af Kompany þar sem hann situr í sófanum heima hjá sér í Munchen og fylgist með.

Þessi fyrrum landsliðsmaður Belgíu á íslenska vini og heimsótti meðal annars Ísland sumarið 2023.

Meira:
Vincent Kompany heimsótti Íslands síðustu helgi og kynnti sér vel land og þjóð

Kompany tók við sem þjálfari Bayern í sumar en áður stýrði hann Burnley á Englandi þar sem íslenski landsliðsmaðurinn, Jóhann Berg Guðmundsson lék undir hans stjórn.

Ekki fylgir sögunni með hvaða lagi Kompany hélt en það voru strákarnir í Væb sem tryggðu sér farmiða í lokakeppnina með laginu Róa.

Kompany átti frábæran feril sem leikmaður og var um langt skeið fyrirliði Manchester City þar sem hann raðaði inn titlum.