Gylfi Þór Sigurðsson nýr leikmaður Víkings segir það af og frá að einhver annar en hann hafi tekið ákvörðun um að hann færi þangað. Frá þessu segir hann í samtali við 433.is.

Meira:
Gylfi Þór segir söguna frá sínu sjónarhorni í fyrsta sinn: Lét vita í byrjun febrúar að hann vildi fara – „Það eru ekki margir aðrir staðir í heiminum þar sem þetta kemur upp“

Styrmir Þór Bragason, varaformaður Vals ýjaði að því í viðtali við Stöð2 að það hafi ekki verið Gylfi sem ákvað að fara í Víking. „Það virðist vera að það hafi verið Víkingar og leikmaður sem ákveða að hann endi þar. En ég er ekki endilega að segja að það hafi verið ákvörðun Gylfa hvort að hann endaði hjá Breiðabliki eða ekki,“ sagði Styrmir meðal annars.

Valur samþykkt tilboð Breiðabliks og Víkings og Gylfi segir engan nema hann hafa ákveðið hvert hann ætlaði. „Ég veit ekki til þess að ég hafi rætt við Styrmi þegar ég tók ákvörðunina, ég er 35 ára gamall og geri það sem mig langar til. Ég veit ekki hvort hann eigi við að faðir minn eða annari hafi tekið ákvörðun hvar ég spila fótbolta,“ sagði Gylfi í samtali við 433.is í dag.

Gylfi segir að á sínum langa og farsæla ferli hafi það verið hann sem stjórni ferðinni og þessar ályktanir Styrmis séu uppspuni frá rótum.

„Ég veit ekki hvað hann meinar, kannski hans tilfinning. Hingað til hef ég ráðið ferðinni á mínum ferli, ég valdi Víking af því að mig langaði þangað. Það kemur pabba mínum ekki við hvar ég spila fótbolta.“

Meira:
Gylfi Þór segir söguna frá sínu sjónarhorni í fyrsta sinn: Lét vita í byrjun febrúar að hann vildi fara – „Það eru ekki margir aðrir staðir í heiminum þar sem þetta kemur upp“