Gylfi Þór Sigurðsson nýr leikmaður Víkings segist hafa átt samtöl við Arnar Gunnlaugsson, nýjan landsliðsþjálfara. Arnar mun í næsta mánuði velja sinn fyrsta landsliðshóp.

Íslands er á leið í leiki gegn Kosóvó í umspili Þjóðadeildarinnar og gera flestir ráð fyrir því að Gylfi verði í þeim hópi Arnars.

Frá unga aldri hefur Gylfi verið stoltur af því að vera í landsliðinu. „Frá því að ég var lítill hefur það verið þannig að maður vill spila fyrir landsliðið, sama hvort ég sé erlendis eða hér heima. Það er það skemmtilegasta sem ég hef gert,“ segir Gylfi í samtali við 433.is.

Meira:
Gylfi Þór segir söguna frá sínu sjónarhorni í fyrsta sinn: Lét vita í byrjun febrúar að hann vildi fara – „Það eru ekki margir aðrir staðir í heiminum þar sem þetta kemur upp“

Gylfi og Arnar hafa rætt málin á undanförnum vikum. „Ég hef alveg rætt við Arnar en ekkert hvað varðar næsta glugga eða gluggan þar á eftir. Vonandi er ég heill og til staðar, þá getur hann valið mig eða ekki.“

„Við sjáum svo hvað gerist.“