Því er haldið fram í sænskum fjölmiðlum að Arnór Sigurðsson fái 160 milljónir króna fyrir að skrifa undir samning við Malmö í Svíþjóð.

Arnór kemur frítt til félagsins eftir að hafa rift samningi sínum við Blackburn á Englandi.

Sænskir miðlar segja að Arnór muni svo þéna 2,5 milljónir króna á mánuði hjá Malmö, gerir hann þriggja ára samning.

Sú leið að fá svo stóra summu við undirskrift er líklegast vegna þess að af slíkum greiðslum borga menn minni skatta en af hefðbundnum launatekjum.

Arnór þekkir vel til í Svíþjóð eftir að hafa spilað með IFK Norrköping í tvígang, þessi öflugi kantmaður ætti að skrifa undir á allra næstu dögum.

Fjöldi liða í Danmörku og Svíþjóð vildi fá Arnór í sínar raðir en meistararnir í Malmö höfðu þar betur.