Manchester United goðsögnin Rio Ferdinand sagði eftir tap liðsins gegn Tottenham um helgina að hann geti raunverulega séð liðið falla úr ensku úrvalsdeildinni.
United er í 15. sæti deildarinnar eftir afleitt tímabil, þó 12 stigum fyrir ofan fallsvæðið. Tímabilið til þessa er það versta hjá United síðan 1973-1974, þar sem liðið féll.
Í kjölfar ummæla Ferdinand sá breska götublaðið The Sun sér leik á borði og stilltu upp mögulegu byrjunarliði United í ensku B-deildinni á næstu leiktíð.
Þar er gert ráð fyrir að stjörnur eins og Bruno Fernandes, Matthijs de Ligt, Lisandro Martinez, Andre Onana og Alejandro Garnacho verði farnar frá félaginu, sem og töluvert fleiri.
Menn á borð við Harry Maguire, Rasmsus Hojlund, Leny Yoro og Kobbie Mainoo eru hafðir með í þessu liði, sem og ungu mennirnir Patrick Dorgu og Ayden Heaven sem komu á dögunum.
Þá er einnig gert ráð fyrir að Jack Fletcher, Jack Moorhouse og Sekou Kone, leikmönnum úr akademíunni, yrði gefinn séns í B-deildinni.
