Fisayo er þrítugur og var ungur að árum hjá liðum eins og Birmingham og Crystal Palace en spilaði síðast í utandeildinni árið 2021. Nú býr hann í húsi sem kostar yfir 500 milljónir króna en talið er að það sé þó í eigu Tosin, sem þénar ansi vel hjá Chelsea.
Fisayo lifir þó hátt heilt yfir og sást hann á dögunum með handtösku sem kostar yfir hálfa milljón. Þrátt fyrir þetta hefur Fisayo ekkert greitt með 2 ára dóttur sinni, Anara, en hann á hana með Nadia Messaoud sem nú hefur opnað sig um málið.
„Ég hef ekki fengið neitt frá Fisayo til að hjálpa okkur með dóttur okkar. Ég hef þá reynt að vera í samskiptum þar sem mér finnst mikilvægt að dóttir mín þekki föðurfjölskyldu sína. Því hefur þó alltaf verið hafnað,“ segir Messaoud.
„Hún er að verða þriggja ára gömul og ég á einnig ungan strák. Ég vil bara fá smá fjárhagsaðstoð og skil ekki af hverju ég fæ það ekki þegar hann lifir lífi atvinnumanns í fótbolta.“
Samkvæmt enskum miðlum hefur Fisayo komist hjá því að greiða barnabætur þar sem hann er ekki með nein laun skráð á sig, þrátt fyrir lífstílinn.
Fisayo hefur áður verið í fjölmiðlum af miður skemmtilegum ástæðum, en árið 2022 var hann dæmdur fyrir að áreita Messaoud. Lamdi hann ítrekað á hurð hennar og varð hún logandi hrædd.
Þá sendi hann henni smáskilaboð þar sem hann hótaði að drepa hana og sagðist vona að hún myndi missa fóstur.
