Arsenal gerði stór mistök í sumar ef þú spyrð goðsögnina Teddy Sheringham sem lék með Manchester United á sínum tíma.

Sheringham skilur ekkert í því að Arsenal hafi látið Eddie Nketiah fara en hann er í dag á mála hjá Crystal Palace.

Arsenal er í vandræðum í fremstu víglínu og mun þurfa á öllum leikmönnum að halda í næstu leikjum.

Enginn framherji er til taks á Emirates þessa stundina en Nketiah hefði getað reynst liðinu dýrmætur á þessari stundu.

,,Ég er steinhissa á því að þeir hafi leyft Eddie Nketiah að semja við Crystal Palace því þetta er leikmaður sem kann að skora mörk,“ sagði Sheringham.

,,Hann er ungur Ian Wright. Augljóslega er hann ekki tilbúinn að leiða línuna en það er hægt að nota hann hér og þar.“