Einhverjir stuðingsmenn Manchester United reiddust mjög vegna ummæla Arne Slot, stjóra Liverpool, eftir leik liðanna í gær.
Liðin gerðu 2-2 jafntefli í æsispennandi leik. Bæði lið hefðu getað stolið sigrinum í lokin og fékk Harry Maguire til að mynda algjört dauðafæri til að klára leikinn fyrir United.
„Þeir fengu dauðafæri undir lokin svo við erum smá fegnir. En það er samt ekki saga leiksins að mínu mati. Við fengum 2-3 dauðafæri á fyrstu 20-25 mínútunum,“ sagði Slot eftir leik og hélt áfram.
„Leikurinn fór að mestu fram á þeirra vallarhelmingi. Þið sáuð á síðasta korterinu hvernig þeir geta spilað því fyrstu 75 mínúturnar voru þetta bara langir boltar frá Onana.“
Þessu voru margir stuðningsmenn United alls ekki sammála. Nokkur af ummælum þeirra á netinu eru tekin saman í enskum miðlum.
„Var Arne Slot á öðrum leik? Þvílíkt kjaftæði,“ segir einn þar meðal annars. „Slot er hér að verða sér til skammar,“ segir annar.
Sitt sýnist hverjum en fjöldinn allur skrifaði ummæli í þessum dúr.
