Sóknarmaðurinn öflugi Jhon Duran er kominn til Sádi Arabíu og hefur skrifað undir samning við Al-Nassr.
Þetta var staðfest í kvöld en Duran var á mála hjá Aston Villa á Englandi og stóð sig vel þar á bæ.
Duran gerir langan fimm ára samning við Al-Nassr og kostar rúmlega 60 milljónir punda.
Leikmaðurinn er aðeins 21 árs gamall og á framtíðina fyrir sér og koma skiptin í raun mörgum á óvart.
Duran fær að spila með leikmönnum eins og Cristiano Ronaldo og Sadio Mane hjá félaginu.
