Al-Nassr mun bjóða aftur í Kaoru Mitoma, leikmann Brighton, og nú mun hærri upphæð. CBS greinir frá.

Brighton hafnaði í gær 54 milljóna punda tilboði Al-Nassr og munu Sádarnir nú bjóða mun hærri upphæð.

Brighton vill helst ekki selja Mitoma en það er spurning hvort þeir geti hafnað svo háu tilboði Cristiano Ronaldo og félaga í Al-Nassr.

Mitoma er 27 ára gamall Japani sem hefur verið hjá Brighton síðan 2021. Kantmaðurinn er með 5 mörk og 3 stoðsendingar í ensku úrvalsdeildinni á leiktíðinni.

Al-Nassr var að klára kaupin á öðrum leikmanni úr úrvalsdeildinni, Jhon Duran frá Aston Villa, á 65 milljónir punda.