Sergio Ramos gæti verið að taka óvænt skref á sínum ferli en hann er án félags þessa stundina.
Um er að ræða sannkallaða spænska goðsögn en hann lék mest megnis með Real Madrid á sínum ferli og einnig spænska landsliðinu.
Varnarmaðurinn hefur verið orðaður við Santos í Brasilíu en stórstjarnan Neymar er sögð hafa beðið félagið um að semja við leikmanninn.
Nú greinir RG Deportiva frá því að Ramos sé í viðræðum við lið Monterrey sem spilar í Mexíkó.
Ramos myndi þar þéna um 3,2 milljónir punda á ári en hann vill fá tveggja ára samning frekar en eins árs samning sem liðið er að bjóða.
Ramos er 38 ára gamall en hann lék síðast með Sevilla árið 2024.
