Gylfi var ekki í síðasta landsliðshópi Age Hareide en Arnar Gunnlaugsson hefur talað um að hann geti vel notað þennan besta landsliðsmann frá upphafi ef hann er í standi.
„Ég er aðallega að horfa hvar ég er í hverri viku hvern dag, síðan sjáum við hvað gerist. Auðvitað horfir maður á landsliðsverkefnin en einbeitingin mín er á æfingar og að koma mér í stand,“ sagði Gylfi við Fótbolta.net eftir tap gegn KR í úrslitum Reykjavíkurmótsins í gærkvöldi.
„Arnar er með góða áru í kringum sig, drífur leikmenn áfram. Búinn að gera frábæra hluti með Víking síðustu ár. Ég held að hann eigi eftir að gera góða hluti. Við höfum spjallað saman um hitt og þetta. Samband okkar hefur ekkert breyst þó að hann sé orðinn landsliðsþjálfari. Ég hef hitt hann og spjallað við hann þannig að það hefur ekkert breyst.“
