Unai Emery, stjóri Aston Villa, segir að félagið muni heimta háa upphæð í janúarglugganum ef Ollie Watkins yfirgefur félagið.
Watkins er sterklega orðaður við brottför frá Villa þessa stundina en Arsenal ku vera að sýna sóknarmanninum mikinn áhuga.
Emery vill alls ekki missa sóknarmanninn öfluga en hann ræddi við blaðamenn eftir 4-2 sigur á Celtic í Meistaradeildinni í gær.
,,Ég vil ekki sjá Ollie fara. Hann er okkar framherji,“ sagði Emery eftir leikinn.
,,Það er gott mál að fá tilboð frá öðrum liðum en við erum með okkar markmið. Ef þetta gengur í gegn þá munum við heimta það sem við eigum skilið. Watkins er okkar leikmaður.“
