Deildarkeppni Meistaradeildar Evrópu kláraðist í gær og verður dregið í umspilið á morgun.
Efstu átta liðin fara beint í 16-liða úrslitin en liðin í sætum 9-24 fara í umspil um sæti þar.
Þar á meðal er Manchester City, sem þarf að komast í gegnum Real Madrid eða Bayern Munchen í umspilinu til að fara í 16-liða úrslitin.
Vinni Englandsmeistararnir það einvígi bíður þeirra einnig krefjandi verkefni í 16-liða úrslitum, gegn Atletico Madrid eða Bayer Leverkusen.
Arsenal, Aston Villa og Liverpool flugu öll beint inn í 16-liða úrslitin. Fyrstnefnda liðið mætir AC Milan, Feyenoord, PSV eða Juventus í 16-liða úrslitunum.
Villa mætir Dortmund, Atalanta, Club Brugge eða Sporting og Liverpool mætir PSG, Benfica, Monaco eða Brest.
Mögulegir mótherjar ensku liðanna í 16-liða úrslitum
Liverpool – Paris Saint-Germain, Benfica, Monaco, Brest
Arsenal – AC Milan, PSV, Feyenoord, Juventus
Aston Villa – Dortmund, Atalanta, Club Brugge, Sporting
Manchester City – Atletico Madrid, Bayer Leverkusen
