Real Madrid hefur ákveðið að versla enga leikmenn í janúar samkvæmt spænska blaðinu Marca.

Sagt er frá því að Carlo Ancelotti hafi verið tjáð þetta, þrátt fyrir meiðslavandræði í vörninni.

Þýðir þetta að Trent Alexander-Arnold verður pottþétt áfram með Liverpool út þessa leiktíð hið minnsta.

Samningur bakvarðarins er að renna út í sumar og getur hann farið frítt frá Anfield þá. Hann hefur sterklega verið orðaður við Real Madrid.

Það var sagt frá því í byrjun árs að spænska stórliðið hafi reynt að kaupa hann strax í þessum félagaskiptaglugga en Liverpool tók það ekki í mál.