Brasilíski knattspyrnumaðurinn Luan lenti illa í því þegar stuðningsmenn Corinthians réðust inn á hótelherbergi hans eftir slakar frammistöður inni á vellinum.

The Upshot rifjar málið upp, en síðan tekur gjarnan fyrir mál utan vallar í heimi fótboltans.

Luan var á mála hjá Corinthians í heimalandinu frá 2020-2023 og átti atvikið sér stað á síðasta tímabili hans með félaginu.

Sagan segir að Luan hafi ætlað að eiga gæðastund með nokkrum konum uppi á hótelherbergi þegar bullurnar réðust inn hentu þeim út og gengu í skrokk á miðjumanninum.

Heimtu þeir til að mynda að hann segði upp samningi sínum við Corinthians eftir slakar frammistöður undanfarið.

Luan var blóðugur eftir árásina en þó aðeins með minniháttar meiðsli.

Sem fyrr segir yfirgaf hann Corinthians 2023, fór þaðan til Gremio og svo til Vitoria, þar sem hann er núna.