Manchester City náði að halda sér í Meistaradeild Evrópu í kvöld en lokaumferðin fór fram og voru margir spennandi leikir sem fóru fram.

City þurfti að vinna Club Brugge frá Belgíu en útlitið var ekki of gott eftir fyrri hálfleikinn þar sem gestirnir voru yfir, 0-1.

City skoraði hins vegar þrjú mörk í seinni hálfleik og tryggði sigurinn og er komið í umspil um sæti í 16-liða úrslitum.

Önnur ensk félög voru í eldlínunni en varalið Liverpool tapaði í Hollandi 3-2 gegn PSV Eindhoven en var löngu komið í næstu umferð.

Arsenal vann lið Girona 2-1 á útivelli þar sem Raheem Sterling klikkaði á vítaspyrnu undir lok leiks.

Fjórða enska liðið, Aston Villa, fékk Celtic á heimavelli þar sem Morgan Rogers skoraði þrennu í 4-2 heimasigri.

Liverpool vinnur deildarkeppnina með 21 stig úr átta leikjum en þar á eftir fylgja fjögur lið með 19 stig, Barcelona, Arsenal og Inter.

Tvö lið enda deildarkeppnina án stiga en það eru Young Boys frá Sviss og Slovan Bratislava frá Slóvakíu.