Neymar er að snúa aftur til Santos í heimalandinu og er þegar farinn að láta til sín taka í leikmannamálum.
Samningi Brasilíumannsins við Al-Hilal í Sádi-Arabíu hefur verið rift, en hann spilaði lítið sem ekkert þar vegna meiðsla og fer nú aftur til Santos.
Samkvæmt argentískum miðlum bað Neymar Santos um að sækja Leandro Paredes, sem hefur verið orðaður frá Roma undanfarið. Argentíski miðjumaðurinn á þó að hafa hafnað því að fara til Brasilíu og vill að minnsta kosti klára tímabilið með Roma.
Casemiro, miðjumaður Manchester United, hefur verið orðaður við Roma í tengslum við hugsanlega brottför Paredes frá félaginu.
