Stefan Postma, fyrrum markvörður Aston Villa, vildi yfirgefa England eftir að kynlífsmyndband af honum kom í ljós.

Daily Star rifjar sögu Postma upp, en hann er fyrrum hollenskur markvörður.

Árið 2005 var Postma að hugsa sér til hreyfings í annað lið í ensku úrvalsdeildinni þegar kynlíf hans varð skyndilega á allra vörum.

Þannig var mál með vexti að fyrrverandi kærasta hans hafði reynt að selja kynlífsmyndband með Postma á Ebay. Kappinn reyndi að koma í veg fyrir að það færi í dreifingu með því að kaupa það sjálfur.

Það gekk hins vegar ekki upp og brátt var myndbandið komið á netið.

Myndbandið sýndi konu stunda kynlífsathafnir með Postma þar sem hún notaðist við gervilim.

„Þetta myndi aldrei gerast í Hollandi en það er öðruvísi í Englandi,“ sagði umboðsmaður Postma á sínum tíma.

„Stefan átti kærustu sem var ekki æskileg en þessu er öllu lokið núna.“

Postma fór síðar til Wolves áður en hann hélt aftur til heimalandsins.