Albert byrjaði leikinn en var tekinn af velli í hálfleik. Þá var staðan 1-0 fyrir Monza og lauk leiknum 2-1. „Hvað kom fyrir leikmann númer 10 hjá Fiorentina?“ segir í grein Firenze Dintorni.
„Albert olli vonbrigðum gegn Monza. Slæm frammistaða hans varð til þess að honum var skipt af velli í hálfleik. Honum var spilað fremst á miðjunni í 4-2-3-1 kerfi en átti erfitt með að skapa sér pláss og búa til færi. Hann er aðeins með þrjú mörk á leiktíðinni og frammistaða hans hefur versnað frá því hann sneri aftur úr meiðslum í desember. Hann þarf að finna sitt fyrra form til að hjálpa Fiorentina.“
Er Albert Guðmundsson vandamál? Einhver myndi segja það,“ segir enn fremur í greininni.
Raffaele Palladino, stjóri Fiorentina, var spurður út í Albert eftir leik. Sagði hann að einstaklingar væru ekki vandamálið heldur að Fiorentina væri ekki að spila eins og lið.
Albert gekk í raðir Fiorentina frá Genoa síðasta sumar eftir stórkostlega frammistöðu á Ítalíu. Hann kom á láni en fer alfarið til Flórens næsta sumar og er kaupverðið hátt í 30 milljónir evra.
