Kyle Walker gæti verið á förum frá Manchester City á næstunni og Pep Guardiola, stjóri liðsins, ekki standa í vegi hans.

Hinn 34 ára gamli Walker hefur verið hjá City síðan 2018 en er nú sterklega orðaður við Mílanó-liðin á Ítalíu til að mynda.

„Hann er ótrúlegur leikmaður með ótrúlega líkamlega burði. Þegar hann er með hausinn við efnið er hann óstöðvandi sem hægri bakvörður, heimsklassa leikmaður. Ef hann helst heill getur hann spilað í allt að fjögur ár til viðbótar sem atvinnumaður,“ segir Guardiola.

„En ef hann vill prófa eitthvað nýtt mun félagið skoða það. Hann tekur ákvörðun, ekki ég. Þetta er ekki mín ákvörðun að taka.“

Walker hefur mikið verið í umræðunni vegna mála hans utan vallar og hjónabands hans. Gæti það spilað inn í að kappinn vilji yfirgefa England.