Robbie Fowler, fyrrum leikmaður Liverpool, er viss um að Mohamed Salah muni ekki yfirgefa félagið næsta sumar.

Salah er mikið orðaður við brottför líkt og Trent Alexander-Arnold og Virgil van Dijk sem eru samherjar hans hjá Liverpool.

Allir leikmennirnir verða samningslausir næsta sumar en Fowler telur að aðeins einn sé á förum og að það sé bakvörðurinn Trent.

,,Þetta er mín skoðun á málinu og ég er svo sannarlega ekki með innanborðs heimildir,“ sagði Fowler hjá ITV.

,,Ég er viss um að tveir af þeim verði áfram og einn af þeim muni fara, það er undir fólki heima fyrir að ákveða hver er hvað.“

,,Að mínu mati er þetta ansi augljóst. Augljóslega tel ég að Mo verði áfram og að Virgil verði áfram. Ég elska Trent sem leikmann og hann er líklega einn sá besti í heiminum í því sem hann gerir og ég myndi elska að halda honum en við sjáum til.“