Eins galið og það kann að hljóma þá er alls ekki hundrað prósent að stórstjarnan Kyle Walker sé að skilja við eiginkonu sína Annie Kilner.
The Sun greinir frá en í október var sagt frá því að hjónin væru að skilja eftir mjög svo stormasamt samband.
Walker hefur tvívegis eignast barn með annarri konu á meðan hann var í sambandi með Kilner en hún ber nafnið Lauryn Goodman.
Hjónin eyddu jólunum saman ásamt börnum sínum og er nú talið að þau gætu öll fært sig saman yfir til Sádi Arabíu 2025.
Annie hefur allavega tvisvar sparkað Walker út af fjölskylduheimilinu en hann er nú fluttur inn á ný samkvæmt nýjustu fregnum.
Fjölskyldan birti mynd af sér saman um jólin og óskaði fólk til hamingju með nýtt ár.
Hvort Walker sem spilar með Manchester City sé búinn að læra sína lexíu verður að koma í ljós en hann er 34 ára gamall.
