Manchester United hefði átt að halda sig við Ruud van Nistelrooy sem stjóra liðsins út tímabilið frekar en að ráða inn Ruben Amorim sem kom til félagsins í nóvember.

Gengi United hefur verið slakt undir Amorim en Van Nistelrooy var tímabundið við stjórnvölin áður en hann var ráðinn til Leicester og féll með liðinu.

Ben Foster þekkir vel til United en þessi fyrrum markvörður virðist vera lítill aðdáandi Portúgalans sem gæti verið undir pressu en á þó enn möguleika á að vinna Evrópudeildina.

,,Hefði Ruud van Nistelrooy gert betri hluti hjá Manchester United en Ruben Amorim ef hann hefði haldið áfram? Ég er nokkuð viss um það því hann var með virðinguna og það er erfitt að gera verri hluti en Amorim hefur gert hingað til,“ sagði Foster.

,,Ég er ekki viss um að Amorim sé langtíma lausnin fyrir United ef ég á að vera hreinskilinn. Hann hefur sagst ætla að spila krökkunum út tímabilið eftir leikinn gegn Lyon.“

,,Hann gefur þar í skyn að enska úrvalsdeildin skipti engu máli svo leikmenn geta slakað á aðeins á í næstu leikjum.“