Teddy Sheringham vill meina það að tvö óvænt félög gætu barist um Harry Kane í sumar ef hann ákveður að yfirgefa lið Bayern Munchen.

Þessi tvö lið eru Chelsea og Aston Villa sem eru bæði í baráttu um að ná Meistaradeildarsæti þessa stundina.

Ljóst er að Kane myndi gera marga brjálaða ef hann semur við Chelsea enda goðsögn Tottenham og er enginn vinskapur á milli þeirra félaga.

,,Það eru enn mörg félög í ensku deildinni sem munu horfa til Harry Kane, hann er allur pakkinn og þú getur enn fengið tvö eða þrjú ár af besta Kane til viðbótar,“ sagði Sheringham.

,,Ég tel að Chelsea gæti reynt við hann. Nicolas Jackson hefur staðið sig þokkalega en Kane er í hæsta gæðaflokki.“

,,Annað lið sem þú skoðar er lið eins og Aston Villa sem vill fara skrefi nær titlinum, þetta er leikmaður sem fólkið vill.“