Harry Redknapp er einn litríkasti karakter í sögu fótboltans á Englandi en hann var á dögunum á viðburði þar sem hann var spurður spjörunum úr.
Ein spurningin var um hundinn Rosie sem Redknapp og fjölskylda áttu um langt skeið.
Rosie komst í fréttirnar árið 2002 þegar hún opnaði bankareikningi í Monaco, þar lagði Redknapp inn 200 þúsund pund sem hann fékk í bónus frá Portsmouth.
When Harry Redknapp once opened a secret Monaco bank account in his dog's name pic.twitter.com/O6HU9flwtv
— The Upshot podcast (@UpshotTowers) April 4, 2025
Redknapp var þá stjóri liðsins en þarna ætlaði hann að skjóta undan skatti en var gómaður nokkru síðar
„Hún er grafin í jörðina, hún vissi of mikið. Ég losaði mig við hana,“ sagði Redknapp um hundinn sinn.
Rosie var ríkasti hundur í Bretlandi á þessum tíma með 34 milljónir á bankareikningi í Skattaskjóli.
Redknapp hafði flogið til Monaco til að opna þennan bankareikning. Fyrir dómstólum sagðist Redknapp bara hafa notað nafn hennar á reikninginn því hann elskaði hundinn svo mikið.
