Kobbie Mainoo, efnilegur leikmaður Manchester United, er áfram orðaður frá félaginu.

Mainoo er aðeins 19 ára gamall en hann braut sér leið inn í aðallið United á síðustu leiktíð. Heillaði hann með frammistöðum sínum en hefur þó ekki alveg fylgst því eftir á þessari leiktíð.

Samningur Mainoo við United rennur út eftir rúm tvö ár og hefur hann til að mynda verið orðaður við Chelsea.

Nú segja miðlar á Ítalíu að Inter sé á eftir miðjumanninum unga og að verðmiðinn sé ekki eins hár og áður hefur verið rætt um, heldur sé hann fáanlegur á aðeins rúmar 40 milljónir punda.

Þar sem Mainoo er uppalinn á Old Trafford gæti það reynst United vel gagnvart fjárhagsreglum að selja hann.