Dietmar Hamann, fyrrum leikmaður Liverpool, sér það gerasty að tvær stjörnur Liverpool geti gengið í raðir Bayern Munchen í sumar.

Hamann er þarna að tala um sóknarmanninn Mohamed Salah og varnarmanninn Virgil van Dijk sem eru að verða samningslausir.

Um er að ræða tvo af mikilvægustu leikmönnum enska liðsins en þeir eru orðaðir við ýmis félög þessa dagana.

,,Mohamed Salah og Bayern Munchen gæti verið mjög spennandi. Bayern er með Kingsley Coman sem hefur ekki verið upp á sitt besta og Leroy Sane er líklega á förum,“ sagði Hamann.

,,Michael Olise hefur verið spennandi en þeir munu þurfa tvo til þrjá vængmenn fyrir næsta tímabil.“

,,Virgil van Dijk, það eru ekki mörg lið til sem hann myndi ekki styrkja. Það verða fimm eða sex lið sem banka á dyrnar.“

,,Bayern hefur verið í vandræðum varnarlega en virðast nokkuð stöðugir í dag. Ef hanmn er fáanlegur þá snýst þetta um hvar hann vill spila hvort það sé í Mílan eða Munchen.“