Albert er liðsfélagi De Gea hjá Fiorentina og í viðtalinu var hann spurður að því hvort hann væri hissa á að Manchester United hafi leyft honum að fara frítt eftir ellefu ár hjá félaginu 2023.
„Hann er virkilega auðmjúkur, þegar þú ert að ræða við hann kemur ekki sú tilfinning að hann hafi verið hjá Manchester United í ellefu ár og unnið sér inn allan þennan pening og titlana.
„Hann er virkilega jarðbundinn og gerir gæfumuninn innan vallar, hann er án nokkurs vafa besti markvörður sem ég hef spilað með. Það er heppni fyrir okkur að hafa hann í markinu,“ sagði Albert um De Gea.
Ummælum Alberts hefur eitthvað skolað til í vinnslu fréttamiðla ytra upp úr viðtalinu. Stór blöð á Englandi, til að mynda Daily Star og staðarblaðið Manchester Evening News, hafa fjallað um málið og þar er sagt að Albert hafi sagt það „galið“ að United skildi leyfa De Gea að fara.
Má það líklega rekja til þess að báðir miðlar skrifa upp úr ítalska miðlinum Tutto Mercato, sem setur ummæli Alberts úr viðtalinu við Livey svona fram.
