Orri Steinn Óskarsson er nýr fyrirliði íslenska landsliðsins í fótbolta. Arnar Gunnlaugsson þjálfari liðsins greindi frá þessu í dag.

Orri er framherji Real Sociedad og mun taka við bandinu af Aroni Einar Gunnarssyni sem hefur borið það í mörg ár.

Meira:
Svona er fyrsti landsliðshópur Arnars: Jóhann Berg ekki með – Aron Einar í hópnum en ekki Gylfi

Í fjarveru Arons hefur Jóhann Berg Guðmundsson verið fyrirliði.

„Það verður nýr fyrirliði í landsliðinu, Orri Steinn verður nýr fyrirliði,“ sagði Arnar á fundinum.

Hákon Arnar Haraldsson verður varafyrirliði liðsins.

„Aron er frábær karakter, Jói og Sverrir þurfa ekki fyrirliðabandið til að vera leiðtogar þessa hóps. Núna gefa þeir af sér og styðja okkar ungu nýju leiðtoga.“

„Ég ætla ekki að segja að menn hafi verið hoppandi glaðir,“ sagði Arnar um viðbrögð eldri manna en segir þá sýna þessu skilning.