Magnús Orri Schram er nýr formaður knattspyrnudeildar KR, en félagið staðfestir þetta nú eftir aðalfund deildarinnar sem fram fór í gær.
Magnús tekur við af Páli Kristjánssyni, sem tilkynnti fyrr í vetur að hann myndi ekki gefa kost á sér sem formaður áfram.
Magnús, sem er fyrrum Alþingismaður, lék með KR á yngri árum og var þá framkvæmdastjóri félagsins um stutt skeið.
Tilkynning KR
Aðalfundur knattspyrnudeildar KR fór fram í félagsheimili KR sl. miðvikudag.
Páll Kristjánsson gerði grein fyrir starfsemi deildarinnar 2024. Þá var ársreikningur fyrir síðasta starfsár kynntur og samþykktur sem og fjárhagsáætlun fyrir starfsárið 2025.
Óskar Hrafn Þorvadsson yfirmaður knattspyrnumála fór yfir endurskipulagningu á knattspyrnustarfi deildarinnar.
Að lokum var ný stjórn kosin –
Nýja stjórn knattspyrnudeildar skipa:
Magnús Orri Marínarson Schram (formaður)
Baldur Stefánsson
Bjarki Pjetursson
Einar Örn Ólafsson
Guðlaug Jónsdóttir
Guðrún Ása Björnsdóttir
Guðrún Sóley Gunnarsdóttir
Haukur Ingi Guðnason
Hildur Margrét Nielsen
Indriði Sigurðsson
Við erum spennt fyrir komandi tímum og hlökkum til framhaldsins með ykkur
