Manchester United er nú orðað við varnarmanninn Ronald Araujo og er víst tilbúið að borga ótrúlega upphæð fyrir leikmanninn.

Frá þessu greinir spænski miðillinn Fichajes sem er þó ansi umdeildur en er með nokkuð góða heimildarmenn þegar kemur að Barcelona.

Araujo er einmitt á mála hjá Barcelona en hann gæti mögulega verið á förum frá félaginu næsta sumar.

Samkvæmt þessum fréttum þá er United tilbúið að borga 100 milljónir evra fyrir leikmanninn sem myndi eflaust styrkja nokkuð götótta vörn enska stórliðsins.

Araujo er þó með það markmið að spila í Meistaradeildinni og þarf United líklega að vinna Evrópudeildina svo að það verði möguleiki.

Araujo er 25 ára gamall og hefur spilað með Barcelona frá árinu 2018 en er þó mikill meiðslapési og hefur aðeins spilað átta leiki á þessu tímabili.